Hirugarren EKOmerkatua egin da gaur Iruñean, eta hileroko izaera berreskuratu da

Gaur goizean egin da Iruñeko EKOMerkatuaren hirugarren edizioa, eta erkidego osoko 18 ekoizle ekarri ditu Nafarroako hiriburura. Goizuetako betizu haragia, Erriberako eta Lizarraldeako olioa, barazkiak, gaztak, jogurtak eta esnekiak, gereziak, Ameskoetako marmeladak, Lizarraldeako trufak, Bardeako arkumeak, Sárbil mendiaren magaleko eztia, Vianako hestebeteak, ardoak eta baita Nafarroan egindako pasta italiarra ere. Horiek guztiak ekologikoak dira eta ekoizten dituzten pertsonen eskutik ekarri dira, Iruñera elikagai naturalak eta iraunkortasun irizpideen arabera ekoitziak hurbiltzeko. Hileko lehen larunbatean, Autobus Geltoki zaharrean egiten den EKOmerkatuaren helburua da, hain zuzen ere, ekoizpen ekologikoa kontsumitzaileei hurbiltzea eta Nafarroan dauden nekazaritzako elikagaien ustiategi txikien kalitate bikaineko elikagaiak ezagutaraztea. Oraingo honetan, EKOmerkatua Geltokin egin da, Iruñeko Autobus Geltoki zaharreko leihatila-gunean, eta udalak Geltokiko nasetan berriz egiteko aukera noiz emango zain daude. Martxoan egin zen lehen edizioa, arrakasta handiz. Bigarren hitzordua pandemiak eten zuen eta apiriletik maiatzera aldatu zen. Hirugarren edizio honekin, EKOmerkatuak bere hileroko izaera berreskuratuko du, hurrengo edizioa horretarako erabili zen tokian egin ahal izateko itxaropenarekin. EKOmerkatuaz gain, EKOtopaketa ere berreskuratu da hein batean. EKOMerkatuaren aurreko ostegunean Geltokin egin behar zen hitzordua, eskola magistral batekin eta afari batekin, besteak beste, proposatutako platera dastatzeko. Hitzordua berriz editatzeko baldintzak ez dira egokiak izan. Hori dela eta, topaketa Sare Sozialetara eraman da bideo batekin. Bertan, Katakrakeko Pau Ruiz sukaldariak EKollaondoko ahuntz-jogurtarekin eta Casa Paulinako mugurdi-marmeladarekin osoko irin ekologikoko bizkotxoa egiten du, eta produktu horiek EKOmerkatuan erosi ahal izan dira.

EKOMERKATUKO EKOIZLEAK

Ekainak 6, larunbata, Geltokin, Iruñeko Autobus Geltoki Zaharrean

Domiña, Betizu hestebeteak.
Esther Montero. Gereziak.
Martinelli. Pasta.
La Corraliza de Don Pablo. Oliba-olio birjina estra.
El Bordón. Hestebeteak.
Erlan. Eztia.
Axuribeltz. Gaztak.
Bagordi. Ardoak.
Cordero de Pasto. Txilindroi arkumea.
Larrezabal ECO. Gaztak.
Casa Paulina. Marmeladak.
Azpea Upeltegiak. Ardoak.
Jauregia. Gaztak eta esnekiak.
Ekollaondo. Gaztak, ahuntz-jogurta eta arrautzak.
Trufaren museoa. Udako boilurra
Aranda Ekologikoak. Oliba-olio birjina estra.
Elkea. Oliba-olio birjina estra, lekaleak eta garagardoak.
Puente Viejo (Barazkiak)