Potxari eskainitako asteburua Zangozan

Zangozako Potxari gorazarre Jardunaldiak omenaldi modukoa dira 'potxa' izenez ezagutzen den babarrun txuriaren barietate bati. Zimelduko lekak ematen diote izena potxei. Hortaz, irailaren 27, 28 eta 29an Zangozan ospatuko dute jardunaldi hauek eta jaki hau goratuko dute.

Zangozako Potxari gorazarre Jardunaldiak dagoeneko ezinbesteko hitzordu batean bihurtu da. 2012 urtetik ospatzen da eta NNPEKk urtero kolaboratzen du. Hain zuzen ere, irailaren 27an 19:00etan Edorta Lezaun Nafarroako Nekazaritza Produkzio Ekologikoaren Kontseiluaren lehendakariak zabalduko ditu jardunaldiak.

Horrez gain, NNPEKk jardunaldietan parte hartzen du ardo-dastatzea antolatu duelako. Migueltxo Goñik zuzenduko du, eta, besteak beste, Mendiko, Aristu eta Azpeako ardo ekologikoak dastatuko dituzte.

Irailaren 28an potxak aletuko dituzte, ohi den eran. Eta igande goizean, berriz, 11tik 14etara Potxaren Azoka ospatuko dute. Azoka honetan auzokideak eta bisitariak dastatu eta erosi dezakete, potxak, eztia, ardoa, gazta, hestebeteak etab. Ekoizleek beraiek salduko dituzte Zangozan.